Ордо калаадагы башкы «Имам Сарахсий» мечитинин короосунда аз камсыз жарандарга 275 даана орозо баштыгы таратылды. КМДБ демилгеси, «Аль-Бир» кайрымдуулук фондунун колдоосу менен уюштурулган кайрымдуулук иш-чарасына Азирети Муфтийдин орун басарлары Талантбек ажы Темирбаев жана Жолдошбек ажы Абдылдаев, БТК төрагасы Бакыт ажы Нурдинов, «Аль-Бир» регионалдык коомдук кайрымдуулук фондунун президенти Али Айоуб жана муфтият кызматкерлери катышты.
Иш-чарада Талантбек ажы Темирбаев катышуучуларга Азирети Муфтийдин саламын жеткирип, Рамазан айынын берекеси тууралуу учкай сөз кылды.
Айта кетсек, аталган фонд жыл сайын орозо айында кайрымдуулук иш-чараларын уюштурат. Быйылкы жылы «Human Appeal Australia» сүрөөнгө алды.
